نكت اخر طراز

موضوع: نكت اخر طراز السبت أغسطس 20, 2011 5:53 pm

واحد الراجل قال لمرتو: وجدي راسك اليوم غادي نتعشاو برا
ملي رجع للدار ف العشية، لقاها حطات الميدة ف الزنقة

.............................

هادا واحد معروفة عليه مكلخ شد الدكتوراه. مشى عند مرته قال ليها: أنا ما عرفتش علاش كلشي كيقول عليا مكلخ، إيوا هاني شديت الدكتوراه.
قالت ليه مرتو: دق على الخشب.
الراجل دق على الطبلة. و هي تقول مرته: شكون؟
قال ليها: جلسي نتيا، أنا نمشي نطل شكون

..................

هادا واحد مبوق شد واحد الخفاش و بدا كيضحك. سولوه علاش كيضحك، قال ليهم :هادي أول مرة نشوف فار لابس عباية

.......................

هادا واحد الاستاد قال للتلاميد دياولو: غادي نوريكوم تلالة د الانواع ديال الكعيات
اتصل بواحد النمرة وجاوباتو واحد البنت قال ليها: كاين عمر؟
قالت ليه: لا ما كاينش، النمرة غلط
قال للتلاميد: هادي كاعية
اتصل تاني بنفس النمرة وجابواتو نفس البنت وقال ليها: كاين عمر؟
قالت ليه: قلنا ليك ما كاينش مالك مصدعنا
قال للتلاميد: هادي كاعية كتر
عاود اتصل بنفس النمرة وجابواتو نفس البنت وقال ليها : كاين عمر؟
قالت ليه:ما كاينش ألحمار وما تبقاش تعيط
قال للتلاميد: هادي كاعية بزآآآآآف
ناض واحد الولد قال ليه: أنا غادي نوريك الكعية ديال بصاح
ناض عيط لنفس النمرة وقال ليها: أنا عمر، عيط ليا شي واحد؟